Eron prezidenti urushni tugatishning shartlarini aytdi
Buning uchun Eronga tovon puli toʻlanishi va xavfsizlik kafolatlari taqdim etilishi lozim.
Eron prezidenti Maʼsud Pezeshkiyon tinchlik sharti haqida gapirdi.
"Yaqin Sharqda tinchlikka erishish uchun Eronga tovon puli toʻlanishi va xavfsizlik kafolatlanishi kerak", deb yozdi Pezeshkiyon ijtimoiy tarmoqlardagi sahifasida.
"Sionist rejim va Qoʻshma Shtatlar tomonidan boshlangan bu urushni tugatishning yagona yoʻli Eronning qonuniy huquqlarini tan olish, tovon puli toʻlash va kelajakdagi tajovuzga qarshi qatʼiy xalqaro kafolatlar berishdir", dedi u.
Pezeshkiyon Rossiya prezidenti Vladimir Putin va Pokiston prezidenti Osif Ali Zardariy bilan suhbatlashganini va Eronning mintaqada tinchlikka sodiqligini yana bir bor tasdiqlaganini aytdi.
Avvalroq AQSh Eronga qarshi urushning ikki kunida oʻq-dorilarga 5,6 mlrd dollar sarflagani aytilgandi.
Tramp maʼmuriyati yaqin kunlarda Kongressga harbiy kampaniyani qoʻllab-quvvatlash uchun "oʻnlab milliard dollar" soʻrab soʻrov yuborishi mumkin.
