Tezkor tadbirlarda 45 ta uyushgan jinoiy guruh faoliyatiga chek qoʻyildi
Yanvar-fevral oylarida kriminogen vaziyatni barqarorlashtirish maqsadida 6 mingdan oshiq maxsus tadbir oʻtkazildi.
Tezkor qidiruv tadbirlari davomida 45 ta uyushgan jinoiy guruhning noqonuniy faoliyatiga chek qoʻyildi. Bu haqda IIV xabar berdi.
Joriy yilning yanvar-fevral oylarida kriminogen vaziyatni barqarorlashtirish maqsadida 6025 ta maxsus tadbir oʻtkazildi.
Unda 116 ta tovlamachilik, 315 ta noqonuniy qurol bilan bogʻliq, 86 ta qimorxona tashkil etish, 40 ta odam savdosi, 790 ta OIV tarqatish yoyoki fohishaxona tashkil etish jinoyati sodir etilgan. 533 kishi qoʻlga olindi.
Yanvar-fevral oylaridagi tadbirlarda 980 kishi qamoqqa olindi, daliliy ashyo sifatida 5 mingdan oshiq qurollar, 3,7 kg portlovchi moddalar qoʻlga olindi.
