Jasur Tursunov Qarshi tumani hokimi etib tayinlandi
Tayinlovga qadar u Chiroqchi tumani prokurori lavozimida ishlab kelayotgan edi.
Jasur Tursunov Qarshi tumani hokimi etib tayinlandi.
Bugun xalq deputatlari Qarshi tumani Kengashining navbatdan tashqari sessiyasi boʻlib oʻtdi. Unda tashkiliy masala koʻrib chiqildi.
Sessiyada deputatlar Tursunov Jasur Sanjarovichni Qarshi tumani hokimi lavozimiga tasdiqlashdi.
Jasur Tursunov - 1979 yil Kasbi tumanida tugʻilgan. U Toshkent davlat yuridik institutini tamomlagan.
Tayinlovga qadar u Chiroqchi tumani prokurori lavozimida ishlab kelayotgan edi. Faoliyati davomida Mirishkor va Shahrisabz tumanlari prokurori vazifasida ham ishlagan.
Qarshi tumanini shu paytgacha Zoyir Aliqulov boshqarib kelayotgandi.
