Eron qoʻshni davlatlarga zarba berishni toʻxtatishga qaror qildi
Ammo AQSh bazalaridan hujum boʻlganda javob zarbasi beriladi. Bu haqda Eron prezidenti Maʼsud Pezeshkiyon maʼlum qildi.
Eron Muvaqqat Boshqaruv Kengashi qoʻshni davlatlarga hujumlarni toʻxtatishga qaror qildi, dedi mamlakat Prezidenti Masud Pezeshkiyon.
"Kengash kecha, tajovuz holatlari bundan mustasno, qoʻshni davlatlarga zarba bermaslik yoki raketa uchirmaslikka qaror qildi.
Biz ular bizning birodarlarimiz ekanligini bir necha bor taʼkidlaganmiz. Va biz mintaqada tinchlik va barqarorlikni oʻrnatish uchun birgalikda ishlashimiz kerak", deb taʼkidladi prezident.
Shuningdek, u avvalgi xatti-harakatlari uchun uzr soʻradi va Eron qurolli kuchlari mamlakatni AQSh va Isroilning mumkin boʻlgan hujumidan himoya qilish uchun barcha zarur choralarni koʻrganini taʼkidladi. Pezeshkiyon mavjud kelishmovchiliklarni diplomatik yoʻl bilan hal qilishga, "Vashington va Tel-Avivning oʻyinchogʻiga aylanishdan" qochishga chaqirdi.
28 fevral kuni AQSh va Isroil Eronga qarshi keng koʻlamli operatsiya boshladilar. Tel-Aviv oʻz maqsadi Tehronning yadroviy qurolga ega boʻlishining oldini olish ekanligini aytdi. Vashington Eronning dengiz floti va mudofaa sanoatini yoʻq qilish bilan tahdid qildi va mamlakat fuqarolarini rejimni agʻdarishga chaqirdi.
Bunga javoban Eron Isroil hududi va Yaqin Sharqdagi Amerika harbiy obʼektlariga, jumladan, Birlashgan Arab Amirliklari, Qatar, Saudiya Arabistoni, Iroq, Quvayt va boshqa mamlakatlarga zarbalar berdi.
