Taxiatosh tumaniga hokim tayinlandi

Sdikov Islambek Muratbayevich Taxiatosh tumani hokimi etib tayinlandi. Bugun xalq deputatlari tuman kengashining navbatdan tashqari boʻlib oʻtgan.

Sessiyada Qoraqalpogʻiston Respublikasi Joʻqorgʻi Kengesining raisi Amanbay Orinbayev ishtirok etgan.

I.Sdikov faoliyati davomida Qoraqalpogʻiston Respublikasi Vazirlar Kengashining Sanoatni rivojlantirish, kapital qurilish va kommunikatsiyalar masalalari boʻyicha kotibiyat boshligʻi, Xoʻjayli tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – iqtisodiy taraqqiyot va kambagʻallikni qisqartirish boʻlimi boshligʻi lavozimlarida faoliyat olib borgan.

U bugungi kunga qadar Joʻqorgʻi Kengesning Sanoat qurilish, transport va axborot texnologiyalari masalalari qoʻmitasi raisi lavozimida ishlab kelgan.

Tumanning avvalgi hokimi Kamiljan Aytbayev Qoraqalpogʻiston Respublikasi Vazirlar Kengashi raisining qishloq va suv xoʻjaligi masalalari boʻyicha oʻrinbosari – qishloq xoʻjaligi vaziri lavozimiga tayinlangan edi.