Tabiiy gaz uchun isitish mavsumida belgilangan bazaviy meʼyor uzaytirildi
Bu 15 martga qadar amal qiladi. Keyin esa ob-havo sharoitidan kelib chiqib, qoʻshimcha choralar koʻriladi.
Tabiiy gaz uchun isitish mavsumida belgilangan bazaviy meʼyor barcha hududlarida 15 martga qadar uzaytirildi. Bu haqda Energetika vazirligi xabar berdi.
Aytilishicha, bunga ob-havo prognozlarining yangilangan kutilmalari sabab boʻlgan, sovuq havo massasi mamlakatimizning boshqa hududlariga ham kirishi ehtimoli tufayli isitish mavsumi uchun belgilangan 500 kub metr bazaviy meʼyor barcha hududlarda 2026 yilning 15 martiga qadar uzaytirildi.
15 martdan keyin esa ob-havo sharoitidan kelib chiqib, zarur boʻlsa, qoʻshimcha choralar koʻriladi.
