Sulhdan keyin: Zelenskiy saylovlar boʻyicha pozitsiyasini oʻzgartirdi
AQSh prezidenti Donald Tramp anchadan beri uni Ukrainada saylovlar oʻtkazishga chaqirib keladi.
"Urush tugaganidan keyin": Vladimir Zelenskiy Ukrainadagi prezidentlik saylovlari boʻyicha pozitsiyasini oʻzgartirdi.
Ukraina prezidenti Vladimir Zelenskiy yangi prezident saylovlari faqat urush tugaganidan keyin boʻlib oʻtishini aytdi, deb xabar beradi Strana.ua.
Italiyaning Corriere della Sera gazetasiga bergan intervyusida Vladimir Zelenskiy shunday dedi:
"Ular, albatta, urush tugaganidan keyin boʻlib oʻtadi, vaqtinchalik sulh paytida emas. Va men nomzodimni qoʻyishimga amin emasman, ukrainlar nimani xohlashini koʻraman".
Nashrning taʼkidlashicha, ikki haftadan kamroq vaqt oldin u boshqacha fikr bildirgan edi.
Eslatib oʻtamiz, AQSh prezidenti Donald Tramp yaqinda Ukrainada saylovlar oʻtkazishga chaqirdi. Zelenskiy parlament aʼzolari allaqachon variantlar ustida ishlayotganini aytdi.
Rossiya tomoni esa Zelenskiyning muddati 2024 yilda tugaganini aytib, uning neligitimligini daʼvo qilib keladi.
