AQShning Erondan keyingi "nishoni" maʼlum boʻldi

AQSh prezidenti Donald Tramp Kubani Eron va Venesueladan keyingi navbatdagi nishoni deb biladi, deb xabar beradi The Atlantic nashri Oq uy manbalariga asoslanib.

Vashington 27 fevral kuni prezidentning oʻzi aytganidek, orolni "doʻstona ravishda egallab olish"ga harakat qilmoqda. Davlat kotibi Marko Rubio allaqachon Kuba rasmiylari bilan "kelishuvga erishish" maqsadida "eng yuqori darajada" muzokaralar olib bormoqda, deb tushuntirdi Oq uyning amaldagi rahbari.

Prezident uchun Kuba "katta va shaxsiy narsa", deb tushuntirdi maʼmuriyat rasmiylari va janob Trampning ishonchli vakillari jurnalist Vivian Salamaga.

Salamaning yozishicha, Trampning maqsadi dunyo xaritasini tubdan oʻzgartirgan va oʻnlab yillar davom etgan qarama-qarshiliklarga chek qoʻygan rahbar sifatidagi maqomini mustahkamlashdir.

Uning fikricha, prezident amalga oshirayotgan oʻzgarishlar uning merosini sobiq prezidentlar Ronald Reygan, Jimmi Karter va Richard Niksondan ham yuqori darajaga koʻtarishi mumkin.

Eslatib oʻtamiz, 28 fevral kuni AQSh va Isroil Eronga hujum boshladi. Oqibatda Eron oliy rahbari Ali Xomanaiy oʻldirildi.