Isroil Eronga zarbalar yoʻlladi
Tehronda uchta portlash sodir boʻldi. Isroil mudofaa vaziri Eronning qarshi hujumidan ogohlantirdi.
Isroil Eronga qarshi hujum uyushtirdi, deb eʼlon qildi mamlakat mudofaa vaziri Israel Kats. Bu haqda Channel 12 xabar bermoqda.
"Isroil davlati Eronga qarshi profilaktik hujum uyushtirdi, bu yaqin kelajakda Isroil davlatiga raketa va dron hujumiga olib keladi", deb uning soʻzlarini keltirgan kanal.
Kats mamlakatda favqulodda holat eʼlon qildi. Isroil mudofaa kuchlari isroilliklarga boshpanalar yaqinida qolish haqida sirenalar va ogohlantirishlar eʼlon qildi.
Isroilda taʼlim tadbirlari, yigʻilishlar va ofis ishlari taqiqlangan, zarur sektorlar bundan mustasno.
Eronning mahalliy Fars axborot agentligi xabar berishicha, Tehronda uchta portlash sodir boʻldi
Avvalroq AQSh va Yevropa davlatlari fuqarolarni Eronga bormaslikka chaqirgandi.
