Prezident Boysundagi gaz koni masalasiga ilmiy yechim topilganini aytdi
Kondagi avariya toʻxtatiladi, Surxondaryo iqtisodiyotiga katta turtki beradigan loyiha boshlanadi.
Surxondaryoda Prezident raisligida yigʻilish davom etmoqda.
Davlat rahbari Boysundagi gaz koni masalasiga ilmiy yechim topilganini aytdi.
Termiz – Istanbul, Termiz – Dubay yoʻnalishlarida yangi reyslar qoʻyilishi belgilandi.
Shoʻrchi, Denov, Sariosiyo, Sherobod va Boysundan kuniga 100 ming odam viloyat markaziga yengil mashinada kelib-ketyapti. Surxondaryoga olib kelinayotgan 125 ta avtobusni birinchi navbatda ushbu yoʻnalishlarga qoʻyish topshirildi.
Yil oxirigacha Muzrabotdagi 56 ming aholiga ilk bor markazlashgan ichimlik suvi yetkazib berish loyihasi yakuniga yetkaziladi.
Muzrabot, Oltinsoy, Angor, Qiziriq va Boysun markazlariga kanalizatsiya olib borish loyihasi boshlanadi.
“Mustaqillikning 25 yilligi” yirik gazni qayta ishlash majmuasidagi texnologik murakkab masalaga hamkorlar bilan ilmiy yechim topilgani qayd etildi.
“Biz avariyani ham toʻxtatamiz, Surxondaryo iqtisodiyotiga katta turtki beradigan loyihani ham boshlaymiz”, – dedi Prezidentimiz.
Eslatib oʻtamiz, ilk bor 2024 yil sentabrda Surxondaryodagi konda oltingugurt gazi chiqishi kuzatilgandi.
