"Afgʻonistonday boʻlmasligiga umid qilamiz" — Rossiya Trampning Tinchlik kengashi haqida bayonot berdi
AQSh Moskvaning muzlatilgan pullardan kengash ishiga 1 mlrd dollar ajratish taklifiga javob bermagan.
Rossiya TIV rasmiy vakili Mariya Zaxarova AQSh prezidenti Donald Tramp tashabbusi bilan tuzilgan Tinchlik kengashi haqida gapirdi.
Zaxarovaga koʻra, Trampning Gʻazodagi mojaroni tugatish boʻyicha keng qamrovli rejasi ilova qilingan BMT Xavfsizlik Kengashining 2803-rezolyutsiyasiga koʻra, Tinchlik Kengashi har olti oyda BMT Xavfsizlik Kengashiga oʻz ishining borishi haqida yozma hisobot taqdim etishi shart.
"Umid qilamizki, vaziyat Afgʻonistondagi missiyadagi kabi boʻlmaydi. 20 yil ichida bir marta ham amerikaliklar va NATO u yerdagi faoliyati haqida hisobot bermagan.
Biz Gʻazo sektorida umumiy normallashuvga erishish uchun saʼy-harakatlarni Falastin tomoni bilan muvofiqlashtirish muhimligini taʼkidlaymiz", deydi u.
Rossiya Bayden maʼmuriyati davrida muzlatilgan Rossiya mablagʻlaridan Falastin anklavidagi gumanitar yordam uchun Tinchlik Kengashiga 1 milliard dollar ajratishga tayyorligini yana bir bildirgan. Biroq hali Vashingtondan javob olinmagan.
Eslatib oʻtamiz, Oʻzbekiston ham Tinchlik kengashining taʼsischi davlatlaridan sanaladi.
