Rossiyada Pavel Durovga qarshi jinoiy ish qoʻzgʻatildi
Telegram asoschisiga "terrorizmga yordam berish" aybi qoʻyilgan.
Telegram asoschisi Pavel Durov Rossiyada unga qarshi jinoiy ish qoʻzgʻatilganini eʼlon qildi.
Durovning soʻzlariga koʻra, ish "terrorizmga yordam berish" aybi bilan qoʻzgʻatilgan.
"Har kuni rasmiylar rossiyaliklarning Telegramga kirishini cheklash uchun yangi bahonalar oʻylab topadilar, shaxsiy hayoti va soʻz erkinligiga daxl qiladilar", deb yozgan Durov oʻzining Telegram kanalida.
Avvalroq "Rossiyskaya gazeta" Pavel Durovning harakatlari terrorchilik faoliyatiga yordam berish aybi bilan tergov qilinayotgani haqida maqola chop etgan edi.
"Ivan Petrov FSB materiallari asosida" yozgan maqolada "sabotaj, terrorizm va ekstremizm jinoyatlari", "portlashlarni uyushtirish, harbiy komissarliklarga oʻt qoʻyish, qotilliklar" va harbiy xizmatchilar va "fikr yetakchilari"ga "toʻgʻridan-toʻgʻri hujumlar" tilga olinadi.
Shunga oʻxshash maqola bir vaqtning oʻzida "Komsomolskaya pravda"da chop etildi.
Nashrlar Telegramni sekinlashtirish boʻyicha choralar kuchaytirilgani va messenjerni toʻliq blokirovka qilish mumkinligi haqidagi OAV xabarlari fonida paydo boʻldi.
Eslatib oʻtamiz, Rossiyada Telegram messenjeri asta-sekin bloklanmoqda.
