Haftaning payshanba kuni vazirlik, idora va hokimliklarda "Yoshlar kuni" boʻladi
Shu kuni sohaga masʼul rahbarlar mahalla, maktab va texnikumlarga borib, yoshlarni eshitadi va muammosini hal qiladi.
Mamlakatimizda har haftaning payshanba kuni vazirlik, idora va hokimliklarda “Yoshlar kuni” boʻlishi belgilandi.
Shu kuni sohaga masʼul rahbarlar mahalla, maktab va texnikumlarga borib, yoshlarni eshitadi va muammosini hal qiladi.
Hokimlar yoshlarbop savdo-servis loyihalarini qiladi, yoshlarning taʼlim olishi, sport bilan shugʻullanishi, kasb va til oʻrganib, ishga kirishi yoki tadbirkorlik bilan shugʻullanishiga koʻmaklashadi, startapchilar bilan uchrashuvlar oʻtkazib, alohida mablagʻ va grantlar ajratadi.
Eng yaxshi tomorqachi, fermer, sanoatchi, startapchi, ijodkor, maʼnaviyat va boshqa sohalardagi yoshlar uchun qiziqarli mavzularda tanlovlar va yarmarkalar oʻtkaziladi.
