Taʼlimni rivojlantirish respublika markazi direktori almashdi
Avval bu lavozimda ishlagan Yuliya Risyukova PA rahbarining taʼlimni isloh qilish boʻyicha oʻrinbosari boʻlinmasining loyiha koordinatori lavozimiga tayinlandi.
Oʻzbekiston Prezidenti Administratsiyasi rahbarining farmoyishi bilan Yuliya Vasilevna Risyukova Administratsiya rahbarining taʼlimni isloh qilish boʻyicha oʻrinbosari boʻlinmasining loyiha koordinatori lavozimiga tayinlandi.
Shu munosabat bilan u Taʼlimni rivojlantirish respublika ilmiy-metodik markazi direktori lavozimidan ozod etildi.
Prezident Administratsiyasi rahbarining farmoyishi bilan Shaxzodbek Karimovich Kurbaniyazov Taʼlimni rivojlantirish respublika ilmiy-metodik markazi direktori lavozimiga tayinlandi.
Avvalroq Hilola Umarova boshqa ishga oʻtishi sabab PA rahbari oʻrinbosari lavozimidan ozod etilgandi.
Ilhom Siradjev Prezident Administratsiyasi rahbarining taʼlimni isloh qilish boʻyicha oʻrinbosari lavozimiga tayinlandi.
