“Oʻzbekneftgaz” rahbarining ikki oʻrinbosari ishdan ketdi
Har ikkala isteʼfo orasidagi farq deyarli bir oyni tashkil qiladi, ammo kompaniya bu haqda shu vaqtgacha rasmiy xabar bermagan.
“Oʻzbekneftgaz” AJ boshqaruvida ikki nafar oʻrinbosar ishdan ketgani maʼlum boʻldi.
Raisning qurilish va transport boʻyicha oʻrinbosari Yuldashev Gʻayrat Abdullayevich 19 yanvarda, rejim va kadr masalalari boʻyicha oʻrinbosari Hakimov Qahramon Norboʻta oʻgʻli 16 fevralda lavozimidan ozod etilgan.
Shuningdek, “Oʻzbekneftgaz” kuzatuv kengashi aʼzosi Muxutdinov Nodir Ubaydullayevichning vakolati ham tugatildi.
Oʻtgan yili dekabrda “Oʻzbekneftgaz” boshqaruviga Abdugʻani Sanginov rahbar etib tayinlangan edi.
