Koʻplab davlatlarda Ramazon oyi 19 fevraldan boshlanadi
Oʻzbekiston musulmonlari idorasi Fatvo markazi ulamolari hijriy 1447 yil Ramazon oyi hiloli koʻrinmaganini maʼlum qildi.
Bugun, 17 fevral kuni Oʻzbekiston musulmonlari idorasi Fatvo markazi ulamolari hijriy 1447 yil Ramazon oyi hiloli koʻrinmaganini maʼlum qildi.
Shuningdek, Fanlar akademiyasi Astronomiya institutining taqdim etgan maʼlumoti ham mazkur kuzatishlarni tasdiqladi. Shu bois, joriy yil 18 fevral kuni hijriy 1447 yil Shaʼbon oyining oʻttizinchi kuni, Ramazon oyining birinchi kuni esa shu yilning 19 fevral kuniga toʻgʻri kelishi haqida qaror qabul qilindi.
Quyidagi aksar musulmon mamlakatlari ham Ramazon oyining birinchi kunini shu yilning 19 fevral kuni deb eʼlon qildi:
- Misr Arab Respublikasi
- Iordaniya
- Suriya
- Iroq
- Eron
- Turkiya
- Qozogʻiston
- Qirgʻiziston
- Tojikiston
- Turkmaniston
- Ozarbayjon
- Indoneziya
- Bruney
- Ummon
- Singapur
- Avstraliya
- Yaponiya
- Pokiston
- Hindiston
- Malayziya
- Janubiy Koreya
Bundan tashqari, Yevropa fatvo va tadqiqotlar kengashi joriy yil 19 fevral kunini Ramazon oyining birinchi kuni deb eʼlon qildi.
