Toshkentda Howo yuk mashinasi urib yuborgan kurer vafot etdi
Holat yuzasidan Jinoyat kodeksining 266-moddasi 2-qismi bilan jinoyat ishi qoʻzgʻatilgan va tergov davom etmoqda.
Toshkent shahri Chilonzor tumanida sodir boʻlgan yoʻl-transport hodisasi oqibatida bir kishi halok boʻldi. Bu haqda poytaxt YHXB xabar berdi.
Voqea 15 fevral kuni soat 18:00 atrofida TXAY-Chorbogʻ koʻchalari kesishgan chorrahada sodir boʻlgan. Howo yuk mashinasi haydovchisi oʻzi bilan bir yoʻnalishda harakatlanib ketayotgan velosipeddagi 22 yoshli A.I.ni urib yuborgan.
YTH oqibatida velosiped haydovchisi olgan tan jarohatlari sababli vafot etgan. Maʼlumotlarga koʻra, u yetkazib berish xizmatida ishlagan.
Holat yuzasidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzishning odam oʻlimiga sabab boʻlishi) bilan jinoyat ishi qoʻzgʻatilgan va tergov davom etmoqda.
