Ramazon oyi 19 fevraldan boshlanadi
Bu haqda Oʻzbekiston musulmonlari idorasining axboroti maʼlumot uchun qabul qilingan.
2026 yilda muborak Ramazon oyining boshlanishi 19 fevral kuniga toʻgʻri keladi.
Bu haqida Oʻzbekiston musulmonlari idorasining axboroti maʼlumot uchun qabul qilindi, deyiladi prezidentning "Muborak Ramazon oyini munosib tarzda oʻtkazish toʻgʻrisida"gi qarorida.
“Ramazon – mehr-muruvvat, ahillik va shukronalik oyi” degan ezgu gʻoya asosida:
- kam taʼminlangan, ehtiyojmand, ijtimoiy himoyaga muhtoj insonlarni har tomonlama qoʻllab-quvvatlash;
- mahallalarni oʻzaro hurmat, hamjihatlik, adolat va tarbiya maskaniga aylantirish;
- yer, suv, havo va tabiiy muhitni asrash, muqaddas qadamjolar, ziyoratgoh va qabristonlarni obod etish;
- Ramazon oyi bilan bogʻliq tadbirlarni isrofgarchilikka yoʻl qoʻymasdan, ixcham, mazmunli va tejamkorlik asosida oʻtkazishga alohida eʼtibor berilishi koʻzda tutilgan.
