Hilola Umarova boshqa ishga oʻtishi sabab PA rahbari oʻrinbosari lavozimidan ozod etildi
Ilhom Siradjev Prezident Administratsiyasi rahbarining taʼlimni isloh qilish boʻyicha oʻrinbosari lavozimiga tayinlandi.
Oʻzbekiston Respublikasi Prezidentining tegishli farmonlari bilan:
Hilola Oʻktamovna Umarova boshqa ishga oʻtishi munosabati bilan Prezident Administratsiyasi rahbarining taʼlimni isloh qilish boʻyicha oʻrinbosari lavozimidan ozod etildi;
Ilhom Tohirovich Siradjev Prezident Administratsiyasi rahbarining taʼlimni isloh qilish boʻyicha oʻrinbosari lavozimiga tayinlandi.
Ilhom Siradjev 2006-2017 yillarda Toshkent shahar xalq taʼlimi bosh boshqarmasi, Toshkent shahar oʻquvchilar texnik ijodiyot markazida turli vazifalarda, 2017-2023 yillarda Xalq taʼlimi vazirligi bosh iqtisodchisi, Moliyalashtirish, buxgalteriya hisobi va hisoboti boshqarmasi boshligʻi, Moliyaviy tahlil va rejalashtirish boshqarmasi boshligʻi, Moliya departamenti direktori lavozimlarida mehnat qilgan.
