AQSh davlat kotibi BMT haqida keskin gapirdi
Tashkilot hozirda "ahamiyatsiz" boʻlib qolgan, Rossiya va Ukraina faqat AQSh tufayli muzokaralar stolida oʻtiribdi, deydi u.
BMT ulkan salohiyatga ega, ammo tashkilot hozirda "ahamiyatsiz" boʻlib qolgan, deydi AQSh Davlat kotibi Marko Rubio.
Uning taʼkidlashicha, Rossiya va Ukraina faqat AQSh tufayli muzokaralar stolida oʻtiribdi.
Rubio bu masalani Myunxen xavfsizlik konferensiyasidagi nutqida koʻtargan. Uning taʼkidlashicha, BMT "dunyoda yaxshilik vositasi boʻlish" salohiyatiga ega, ammo bugungi kunda "u eng dolzarb savollarga javob bermaydi va deyarli hech qanday rol oʻynamaydi".
Davlat kotibi BMT Gʻazo sektori va Ukrainadagi mojarolarni hal qila olmaganiga aniqlik kiritdi.
17-18 fevral kunlari Jenevada Rossiya, AQSh va Ukraina oʻrtasidagi uch tomonlama muzokaralarning uchinchi bosqichi boʻlib oʻtadi. Rossiya delegatsiyasiga prezident yordamchisi Vladimir Medinskiy boshchilik qiladi.
Bu hafta AQSh prezidenti Donald Tramp ukrainalik hamkasbi Vladimir Zelenskiyni mojaroni tinch yoʻl bilan hal qilishga chaqirdi. The New York Times gazetasining yozishicha, Vashington Kiyevga mojaroni yozgacha tugatish uchun bosimni kuchaytirdi.
