Isroil Gʻazo boʻyicha tinchlik kengashiga aʼzo boʻldi
Ushbu kengash AQSh rahbari Donald Tramp tashabbusi bilan tuzilgan va Oʻzbekiston ham aʼzo sanaladi.
Isroil rasman Gʻazo sektorini urushdan keyingi boshqarish boʻyicha Tinchlik Kengashiga qoʻshildi.
Bosh vazir Netanyaxu Donald Tramp bilan uchrashuvidan oldin AQSh Davlat kotibi Marko Rubio ishtirokida hujjat imzoladi.
Isroil Gʻazo sektorini urushdan keyingi boshqarish uchun tuzilgan Tinchlik Kengashiga qoʻshildi. Bu haqda Isroil Bosh vaziri Binyamin Netanyaxu idorasi xabar berdi.
Netanyaxu Tinchlik Kengashiga qoʻshilish toʻgʻrisidagi hujjatni AQSh Davlat kotibi Marko Rubio ishtirokida imzoladi. Imzolash Bosh vazirning AQSh Prezidenti Donald Tramp bilan uchrashuvidan oldin boʻlib oʻtdi.
Tinchlik Kengashi Isroil va HAMAS harakati oʻrtasida Gʻazoni boshqarish boʻyicha kelishuvga muvofiq tashkil etilgan, ammo u boshqa mintaqalardagi mojarolarning oldini olish va hal qilishga ham eʼtibor qaratishi kutilmoqda.
22 yanvar kuni Shavkat Mirziyoyev Davosda AQSh Prezidenti Donald Tramp raisligida boʻlib oʻtgan Tinchlik Kengashi Nizomini imzolash marosimida ishtirok etdi.
Abdulaziz Komilovning tushuntirishicha, Oʻzbekiston xavfsizlik masalalari va uning maqsadlarini mamlakatning tashqi siyosat ustuvorliklari bilan uygʻunlashtirish, birinchi navbatda Gʻazo inqirozi va ekstremizm xavflarini hal qilish nuqtai nazaridan kengashga qoʻshildi.