Asakada bir shaxs soxta 45 mln soʻmni 18 mln soʻmga sotmoqchi boʻldi
Uning yonidan qoʻshimcha 100 ming soʻmlik kupyuradagi 5 mln soʻm miqdoridagi qalbaki pullar ham olingan.
Andijon viloyatining Asaka tumanida yashovchi shaxs 200 dona 100 ming soʻmlik va 125 dona 200 ming soʻmlik kupyuradagi qalbaki 45 mln soʻmni 18 mln soʻmga sotgan vaqtida ushlangan.
Davlat xavfsizlik xizmati va ichki ishlar organlari xodimlari hamkorligida Namangan viloyatining Chortoq tumanida oʻtkazilgan tezkor tadbirda u qoʻlga tushgan.
Shuningdek, uning yonidan qoʻshimcha 100 ming soʻmlik kupyuradagi 5 mln soʻm miqdoridagi qalbaki pullar ham olingan.
Bundan tashqari, uning uyidan noutbuk, rangli printer va boʻyoqlar hamda qogʻozlar ashyoviy dalil sifatida qoʻlga kiritilgan. Qayd etilishicha, u avval ham shu jinoyat bilan sudlangan.
Holat yuzasidan unga nisbatan Jinoyat kodeksining 176-moddasi 2-qismi “a” bandi bilan jinoyat ishi qoʻzgʻatilib, “qamoq” ehtiyot chorasi qoʻllanilgan.