Maktabga tayyorlovdan oʻtgan bolalarga elektron sertifikat beriladi
Bolalarni rivojlantirish innovatsion markazlari tashkil etilib, unda robototexnika, ijod, fan va matematika yoʻnalishlarida tematik oʻyingohlar boʻladi.
Oʻzbekistonda "Yangi avlod" innovatsion bogʻchalar tarmogʻi tashkil etiladi.
Oʻzbekiston Respublikasi Prezidentining "Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida"gi Farmoni (05.02.2026 yil PF-19-son)ga muvofiq mamlakatimizda maktabgacha taʼlimni yangi sifat bosqichiga olib chiquvchi "Yangi avlod" maktabgacha taʼlim tashkilotlari tarmogʻi faoliyati yoʻlga qoʻyiladi.
Yangi tizimning oʻziga xosliklari:
-2026-2028 yillarda Qoraqalpogʻiston, viloyat markazlari va Toshkent shahrida bittadan shunday tashkilot quriladi.
-Ushbu bogʻchalar tarkibida Bolalarni rivojlantirish innovatsion markazlari tashkil etilib, unda robototexnika, ijod, fan va matematika yoʻnalishlarida tematik oʻyingohlar boʻladi.
-Innovatsion markazlarda simulyatsion vaziyatlar orqali bolalarda kichik yoshdan kasblarga qiziqish va ekologik madaniyat shakllantiriladi.
Endilikda bir yillik maktabga tayyorlov guruhlarining taʼlim dasturi majburiy umumiy oʻrta taʼlimning dastlabki bosqichi sifatida kiritilmoqda.
Farmonga koʻra:
— Ushbu guruhlar maktabgacha taʼlim tashkilotlari, maktablar va boshqa ijtimoiy obʼektlarda tashkil etilishi mumkin.
— 2027/2028 oʻquv yilidan boshlab, maktabga tayyorlovdan oʻtgan bolalarga davlat namunasidagi elektron sertifikat beriladi.
Mazkur sertifikat haqidagi maʼlumotlar oʻquvchining umumiy oʻrta taʼlim toʻgʻrisidagi shahodatnomasida ham qayd etiladi.