Janubiy Koreyaga yuborish uchun 10 ming dollar soʻragan rahbar ushlandi
Namangan shahrida konsalting firma ish yurituvchisi ham 2 ming dollar bilan qoʻlga olindi.
Xorijga ishga yuborishni vaʼda qilgan firibgarlar ushlandi.
Noqonuniy migratsiyaga qarshi kurashish yoʻnalishida Davlat xavfsizlik xizmati va Ichki ishlar organlari xodimlari hamkorligida tezkor tadbirlar oʻtkazildi.
Namangan shahridagi konsalting firma rahbari 2001 y.t. mahalliy fuqaroning ishonchiga kirgan holda, tanishlari orqali uni Janubiy Koreya davlatiga ishga yuborish evaziga 10 ming AQSh dollari talab qilib, oldindan 1,5 ming AQSh dollari olgan vaqtida ashyoviy dalillar bilan ushlandi.
Namangan shahrida faoliyat olib boruvchi boshqa bir konsalting firma ish yurituvchisi oʻzining tanishlari orqali, Toʻraqoʻrgʻon tumanida istiqomat qiluvchi, 1998 y.t. fuqaroni Latviya davlatiga ishga yuborish evaziga 2 ming AQSh dollari olgan vaqtida ushlandi.
Hozirda har ikki holat yuzasidan qonunbuzarlarga nisbatan Jinoyat Kodeksining 168-moddasi bilan jinoyat ishi qoʻzgʻatilib, tergov harakatlari olib borilmoqda.