Abduqodir Husanov "Manchester Siti"da oyning eng yaxshi oʻyinchisi deb topildi
U mazkur sovrin uchun kurashda Bernardu Silva hamda Janluidji Donnarummani ortda qoldirdi.
Oʻzbekiston milliy terma jamoasi va “Manchester Siti” klubi himoyachisi Abduqodir Husanov yanvar oyining eng yaxshi futbolchisi deb topildi.
Bu haqda klub matbuot xizmati rasman xabar berdi.
Ushbu sovrin uchun Bernardu Silva hamda Janluidji Donnarumma ham nomzod sifatida koʻrsatilgan boʻlib, gʻolib klubning rasmiy veb-saytida muxlislar oʻrtasida oʻtkazilgan ovoz berish orqali aniqlandi.
Ovoz berish natijalariga koʻra, Husanov eng koʻp ovoz toʻplab, ushbu individual mukofotga sazovor boʻldi.
Eslatib oʻtamiz, Husanov yanvar oyida jami toʻqqizta uchrashuvda maydonga tushdi.