Shavkat Mirziyoyev Islomoboddagi portlash sabab taʼziya bildirdi
Prezident marhumlarning oila aʼzolari va yaqinlariga hamdardlik bildirib, jarohatlanganlar tez fursatda sogʻayib ketishini tiladi.
Shavkat Mirziyoyev Pokiston prezidenti bilan bosh vaziriga taʼziya bildirdi.
Prezident Shavkat Mirziyoyev Islomobod shahridagi masjidda sodir boʻlgan terrorchilik harakati oqibatida koʻplab insonlarning halok boʻlgani hamda jiddiy jarohat olgani munosabati bilan Pokiston Prezidenti Asif Ali Zardoriy va Bosh vaziri Shahboz Sharifga taʼziya yoʻlladi.
Davlatimiz rahbari Pokiston xalqiga, marhumlarning oila aʼzolari va yaqinlariga hamdardlik bildirib, jarohatlanganlar tez fursatda sogʻayib ketishini tiladi, deyiladi matbuot xizmati xabarida.
Eslatib oʻtamiz, Islomoboddagi portlashda kamida 31 kishi halok boʻldi. Shia masjidida hudkush oʻzini portlatib yuborgan.