Saida Mirziyoyeva Qozogʻiston senati raisi bilan uchrashdi
Parlamentlararo muloqotlar, savdo-iqtisodiy va madaniy-gumanitar aloqalarni kengaytirish istiqbollari muhokama etilgan.
Prezident Administratsiyasi rahbari Saida Mirziyoyeva Qozogʻiston Parlamenti Senati Raisi Maulen Ashimbayev bilan uchrashuv oʻtkazdi
Saida Mirziyoyevaga koʻra, suhbat samimiy va doʻstona ruhda oʻtgan.
"Oʻzbekiston va Qozogʻiston oʻrtasida oliy darajadagi oʻzaro ishonch va yaqin muloqotga asoslangan munosabatlar ancha jadal rivojlanib borayotganini mamnuniyat bilan qayd etdik. Quvonarlisi, 2025 yil ikki tomonlama hamkorlik uchun muhim va samarali bosqich boʻldi.
Parlamentlararo muloqotlar, savdo-iqtisodiy va madaniy-gumanitar aloqalarni kengaytirish istiqbollari haqida suhbatlashib oldik", deyiladi xabarda.
"Mamlakatlarimiz oʻrtasidagi amaliy hamkorlik bundan buyon ham izchil mustahkamlanib borishiga ishonaman", deya xulosa qiladi Prezident Administratsiyasi rahbari.