Avloniyning nevarasi faoliyatini Oʻzbekistonda davom ettiradi
Professor polimerlar va nanotexnologiyalar kimyosi boʻyicha yetuk olim boʻlib, 2015 yildan buyon AQShdagi ConTex LLC kompaniyasi direktori lavozimida ishlab kelayotgan edi.
Ulugʻ jadid va buyuk maʼrifatparvar Abdulla Avloniyning nabirasi – professor Jamshid Avloniy ilmiy va amaliy faoliyatini Oʻzbekistonda davom ettiradi.
Professor Jamshid Avloniy polimerlar va nanotexnologiyalar kimyosi boʻyicha yetuk olim boʻlib, 2015 yildan buyon AQShdagi ConTex LLC kompaniyasi direktori lavozimida ishlab kelmoqda edi.
Olim oʻz faoliyatini Olmaliq davlat texnika institutida olib boradi. U institut magistrlari va talabalari uchun sanoatdagi innovatsiyalar yoʻnalishida taʼlim berib, zamonaviy laboratoriyalarda yoshlar bilan birgalikda ishlaydi.
Kimyo sohasidagi yirik ilmiy ishlari bilan tanilgan Jamshid Avloniy Nobel mukofoti sovrindori Alan Makdiarmid bilan birgalikda koʻplab ixtirolar ustida ishlagan.