Trampga suiqasd qilishda ayblangan shaxs umrbod qamaldi
Rayan Rut 2024 yilda AQSh rahbarining Floridadagi golf klubi yaqinida ushlangandi.
Trampni oʻldirishga urinishda ayblangan shaxs umrbod qamaldi.
Florida shtatining Janubiy okrugi Rayan Uesli Rutni umrbod qamoq jazosiga hukm qildi. U ilgari 2024 yilgi prezidentlik kampaniyasi paytida Donald Trampga suiqasd qilishga urinishda ayblangan edi. Bu haqda Fox News xabar bergan.
"Rayan Rut umrbod qamoq jazosiga hukm qilindi", deyiladi kanal bayonotida.
Eslatib oʻtamiz, Tramp 2024 yilda ikkita suiqasd urinishidan omon qolgan. Ulardan biri 13 iyul boʻlajak prezidentning Pensilvaniya shtatidagi saylovchilar oldidagi nutqida sodir boʻldi.
Yigirma yoshli Tomas Metyu Kruks xavfsizlik perimetri tashqarisidagi binoning tomidan oʻq uzdi. Bir oʻq Trampning qulogʻiga tegdi va uni AQSh Maxfiy xizmati agentlari uni sahnadan olib chiqib ketishdi.
15 sentabr kuni siyosatchining Floridadagi golf klubida otishma sodir boʻldi.
Qurolli shaxs Trampdan taxminan 500 metr uzoqlikdagi butalar orasida edi. Miltiqning stvolini koʻrib qolgan Maxfiy xizmat agentlari oʻt ochishdi. Gumonlanuvchi, 58 yoshli Rayan Uesli Rut, qurolni tashlab, mashinada qochib ketdi, ammo tez orada qoʻshni okrugda qoʻlga olindi.