Bahodir Hudoyqulov Chiroqchi tumani hokimi etib tayinlandi
Tumanning avvalgi hokimi Fayzullo Yusupov Prezident selektorida ishdan olingandi.
Bahodir Hudoyqulov Chiroqchi tumani hokimi etib tayinlandi. Bu haqda Qashqadaryo viloyati hokimligi xabar berdi.
Bugun xalq deputatlari Chiroqchi tumani Kengashining navbatdan tashqari sessiyasi boʻlib oʻtdi. Unda tashkiliy masala koʻrib chiqildi.
Sessiyada deputatlar Xudoyqulov Bahodir Xudoyorovichni Chiroqchi tumani hokimi lavozimiga tasdiqlashdi.
Bahodir Xudoyqulov - 1985 yilda tugʻilgan. U Samarqand davlat universiteti va Toshkent davlat yuridik institutlarini tamomlagan. Faoliyati davomida 2018-2024 yillarda Chiroqchi tumani prokurori vazifasida ham ishlagan.
Tayinlovga qadar u Shahrisabz tumani prokurori lavozimida ishlab kelayotgan edi.
Chiroqchining avvalgi hokimi Fayzullo Yusupov prezident selektorida, 2025 yil noyabrida ishdan olingandi.