Jamshid Pardayev Pastdargʻom tumani hokimi boʻldi
Avvalgi hokim Sherzod Rahmonov oʻz arizasiga koʻra ishdan ketgan.
Jamshid Pardayev Pastdargʻom tumani hokimi etib tasdiqlandi. Bu haqda Samarqand viloyati hokimligi xabar berdi.
Bugun Pastdargʻom tumanida Xalq deputatlari tuman Kengashining navbatdan tashqari sessiyasi oʻtkazildi.
Sessiyada tashkiliy masala koʻrildi. Sherzod Rahmonov oʻz arizasiga koʻra tuman hokimi vazifasidan ozod etildi.
Shu paytgacha Pastdargʻom tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – Iqtisodiyot va moliya boʻlimi boshligʻi vazifasida faoliyat koʻrsatgan Pardayev Jamshid Arziyevich Pastdargʻom tumani hokimi etib tasdiqlandi.
Avval Temur Mahmudov Oqdaryo tumani hokimi etib tayinlangandi.