Jaloliddin Masharipovning JChda qatnashishi soʻroq ostida qoldi
Ogʻir jarohat olgan Masharipov jarrohlik amaliyotini boshdan kechirdi.
Oʻzbekistonlik futbolchi Jaloliddin Masharipov jarrohlik amaliyotini boshdan kechirdi.
Futbolchining Jahon chempionatigacha tiklanib ulgura olishi hozircha nomaʼlum.
Oʻzbekiston futbol terma jamoasi vingeri Jaloliddin Masharipov jarrohlik amaliyotini boshdan kechirdi. Bu haqda futbolchi toʻp surayotgan Eronning “Istiqlol” klubi matbuot xizmati xabar berdi.
Maʼlumotlarga koʻra, operatsiya Eron hududidan tashqarida oʻtkazilgan. Avvalroq futbolchi ogʻir jarohat olgani va uni dastlab konservativ usulda davolashga harakat qilingani, biroq bu kutilgan natijani bermagach, jarrohlik amaliyotiga murojaat qilishga toʻgʻri kelgani haqida xabar qilingan edi.
Qayd etish joizki, Jaloliddin Oʻzbekiston terma jamoasining yetakchilaridan biri hisoblanadi.
Hozircha futbolchi Jahon chempionatigacha tiklanib, optimal sport formasini qayta tiklay oladimi yoki yoʻqmi — nomaʼlum.
