Xitoy delegatsiyasi Oʻzbekistonga keladi
Ular Senat raisining birinchi oʻrinbosari Sodiq Safoyev, Prezidentning strategik rivojlanish boʻyicha maslahatchisi Sardor Umurzoqov bilan muzokaralar olib boradi.
Xitoy delegatsiyasi Oʻzbekistonga keladi. Bu haqda "Sinxua" xabar berdi.
Xitoy Kommunistik partiyasi Markaziy qoʻmitasi aʼzosi va Chinese Academy of Social Sciences prezidenti Gao Syan boshchiligidagi delegatsiya seshanbadan shanbagacha Qirgʻiziston va Oʻzbekistonga rasmiy tashrif bilan keladi.
Tashrif doirasida Xitoy delegatsiyasi Oliy Majlis Senati raisining birinchi oʻrinbosari Sodiq Safoyev, Qonunchilik palatasi spikeri oʻrinbosari Rahim Hakimov hamda Prezidentning strategik rivojlanish boʻyicha maslahatchisi Sardor Umurzoqov bilan muzokaralar olib boradi.
Uchrashuvlarda parlamentlararo hamkorlikni kuchaytirish, boshqaruv tajribasi almashish va ikki tomonlama strategik sheriklikni yanada rivojlantirish masalalari muhokama qilinadi.