Nodirbek Abdusattorov Tata Steel Chess turniri chempioni boʻldi
U turnirdagi muvaffaqiyatli ishtirokidan soʻng onlayn reytingda dunyoning TOP-5 kuchli shaxmatchisi safiga qaytdi.
Nodirbek Abdusattorov nufuzli Tata Steel Chess turniri chempioni boʻldi.
Hamyurtimiz 13 imkoniyatdan 9 ochko jamgʻardi va turnirda yakka hokimlik bilan chempion boʻldi. Shuningdek, ushbu turnirdagi muvaffaqiyatli ishtirokidan soʻng onlayn reytingda dunyoning TOP-5 kuchli shaxmatchisi safiga qaytdi.
Abdusattorov oldingi yillarda ham chempionlikka yaqin kelgandi – 2023 yilda 2-oʻrin, 2024 yilda 3-oʻrin, 2025 yilda 3-oʻrin. U toʻrtinchi urinishda oʻz maqsadiga erishdi.