"Uyda yolgʻiz" filmi yulduzi vafot etdi
Ketrin O'Xara “Uyda yolgʻiz” filmidagi Kevinning onasi obrazi orqali mashhur edi.
“Uyda yolgʻiz” filmida Kevin Makkalesterning onasi rolini oʻynagan aktrisa Ketrin O'Xara 71 yoshida vafot etdi.
Kanadalik taniqli aktrisa va komediya ustasi Ketrin O'Xara 71 yoshida vafot etdi. U kino va televideniyedagi uzoq yillik faoliyati, jumladan “Uyda yolgʻiz” filmidagi ona obrazi hamda koʻplab mashhur komedik rollari orqali tomoshabinlar mehrini qozongan edi.
Aktrisa 71 yoshida hayotdan koʻz yumdi. Bu haqda juma kuni uning matbuot kotibi maʼlum qildi. Aktrisa qisqa davom etgan xastalikdan soʻng Los-Anjelesdagi uyida vafot etgan.
O'Xaraning ijodiy faoliyati qariyb qirq yillikni qamrab olib, u komediya janrining ramziy shaxslaridan biriga aylandi. U dastlab mashhur CCTV sketj-shousida tanilib, nafaqat aktrisa, balki ssenariy muallifi sifatida ham faoliyat yuritdi va bu ishi uchun PrimeTime Emmy mukofotini qoʻlga kiritdi. Keyinchalik u koʻplab mashhur filmlar va seriallarda rol ijro etdi.
U butun dunyo tomoshabinlariga “Uyda yolgʻiz” filmlar turkumidagi Keyt Makkallester obrazi orqali yaxshi tanish boʻlib, bu rol uni pop-madaniyat tarixiga muhrlab qoʻydi.
Shuningdek, u "Bitlejus"," Rojdestvodan oldingi dahshatli tush", "Ish vaqtidan keyin" kabi filmlardagi rollari bilan ham yodda qolgan.
Televideniyedagi faoliyati davomida esa Skitning "Krik" serialidagi roli uchun katta eʼtirofga sazovor boʻlib, bir nechta mukofotlarga, jumladan Emmi mukofotiga loyiq koʻrilgan.
Soʻnggi paytlarda O'Xara Apple platformasidagi The Studio serialidagi roli uchun “Oltin globus” mukofotining “Eng yaxshi ikkinchi darajali ayol roli” nominatsiyasiga nomzod boʻlgan, biroq yanvar oyidagi taqdirlash marosimida ishtirok etmagan.
Ijodkorning serqirraligi va mukammal komedik mahorati uni oʻz avlodining eng isteʼdodli ijrochilaridan biriga aylantirdi. Sketj-komediyadan tortib yirik kino va teleloyihalargacha boʻlgan yoʻli dunyo boʻylab koʻplab komediyachilar va aktyorlar uchun ilhom manbai boʻlib qolmoqda.
Uning merosi nafaqat kulgi, balki qahramonlariga olib kirgan samimiyat va insoniylik bilan belgilanadi. Shu bois tomoshabinlar uning ijodini yana uzoq yillar davomida eʼzozlab eslashadi.