Toshkentdagi "Aviator Korzinka" binosida yongʻin yuz berdi
Binodan barcha fuqarolar evakuatsiya qilingan. Ushbu yongʻin Favqulodda vaziyatlar vaziri Azizbek Ikromov boshchiligida bartaraf qilinmoqda.
Yashnobod tumanida "Korzinka" yonib ketdi.
Bugun, 31 yanvar kuni Toshkent shahar, Yashnobod tumani, Parkent koʻchasida joylashgan "Aviator Korzinka" binosi yonayotganligi toʻgʻrisida Toshkent shahar FVBga xabar qilingan.
Shunga koʻra, qutqaruv ekipajlari voqea joyiga yetib borib, hozirda binodan barcha fuqarolar evakuatsiya qilingan va yongʻin oʻchirish ishlari olib borilmoqda.
Vaziyat Toshkent shahar FVBB tomonidan toʻliq nazoratga olingan.
Yongʻin oqibatida tan jarohati olganlar toʻgʻrisida xabar kelib tushmadi.
Ushbu yongʻin Favqulodda vaziyatlar vaziri general-mayor Azizbek Ikromov boshchiligida bartaraf qilinmoqda.