Qorakoʻldagi uyda gaz portladi
Hodisa sabab ikki kishi jarohatlangan, halok boʻlganlar yoʻq.
Qorakoʻldagi uyda gaz portladi. Ikki kishi jarohatlangan.
Bugun, 31 yanvar kuni Buxoro viloyati, Qorakoʻl tuman "Tinchlik" MFY “Shoʻrobod” koʻchasida joylashgan 2 qavatli uy xonadonlarining birida gaz-havo aralashmasining chaqnashi sodir boʻlganligi toʻgʻrisida FVBga xabar kelib tushgan.
Voqea joyiga FVV qutqaruvchilari va boshqa tegishli xizmatlar yetib borgan. Hozirda vaziyat oqibatlari bartaraf etilmoqda.
Dastlabki maʼlumotlarga koʻra, gaz plitasidan foydalanish jarayonida sizib chiqqan gaz natijasida chaqnash sodir boʻlganligi taxmin qilinmoqda.
Hodisa oqibatida 2 nafar fuqaro tan jarohati olgan va shifoxonaga yuborilgan. Halok boʻlganlar yoʻq.