Oʻzbekistonda xizmat koʻrsatgan sanʼat arbobi Karim Yuldashev vafot etdi
Mehnat faoliyatini 1960 yilda Namangan viloyati musiqali drama teatri aktyori va rejissyori sifatida boshlagan.
Oʻzbekistonda xizmat koʻrsatgan sanʼat arbobi, professor Karim Yuldashev 86 yoshida vafot etdi. Bu haqda Namangan viloyati hokimligi xabar berdi.
U oʻz mehnat faoliyatini 1960 yilda Namangan viloyati musiqali drama teatri aktyori va rejissyori sifatida boshlagan.
2008 yildan 2011 yilgacha Namangan madaniyat kollejining aktyorlik va estrada sanʼati boʻlimida dars bergan. 2011 yildan beri Namangan viloyat musiqali teatrining bosh rejissyori.
2018 yildan Davlat sanʼat va madaniyat institutining Fargʻona viloyat filialining faxriy professori edi.
Karim Yuldashev oʻzbek milliy sanʼatini rivojlantirishga katta hissa qoʻshib, “Oʻzbekiston Respublikasi sanʼat arbobi” unvoni bilan taqdirlangan.