1 fevraldan "Tashabbusli byudjet"ning 10-mavsumi boshlanadi
Gʻolib loyihalar 21 mart — Navroʻz bayrami kuni eʼlon qilinadi.
“Tashabbusli byudjet”ning 10-mavsumi boshlanadi.
Joriy yilning 1 fevralidan “Tashabbuskor xalq uchun — yangi imkoniyatlar mavsumi” shiori ostida “Tashabbusli byudjet” jarayonining 2026 yilgi ilk mavsumi boshlanadi. Bu haqda Iqtisodiyot va moliya vazirligi xabar berdi.
Ushbu mavsum “Tashabbusli byudjet” jarayoni joriy etilganidan buyon oʻtkazilayotgan oʻninchi — yubiley mavsum hisoblanadi.
Bunda:
- 1–20 fevral kunlari loyihalarni kiritish;
- 21 fevraldan 7 martgacha loyihalarni saralash;
- 8–10 mart kunlari targʻibot bosqichi;
- 11–20 mart kunlari ovoz berish bosqichi;
- 21–31 mart kunlari qoʻshimcha gʻoliblarni eʼlon qilish bosqichi oʻtkaziladi.
Maʼlumot uchun, anʼanaviy ovoz berish bosqichi yakunlariga koʻra gʻolib loyihalar 21 mart — Navroʻz bayrami kuni eʼlon qilinadi.