Toshkentda radikalchilar bilan alohida guruhlar ishlaydi
Maqsad – adashganni toʻgʻri yoʻlga qaytarish, jaholatga qarshi maʼrifat bilan kurashish.
Toshkentning har bir tumanida “Qaytaruv guruhlari” faoliyati doimiy asosda tashkil qilinadi. Maqsad – adashganni toʻgʻri yoʻlga qaytarish, jaholatga qarshi maʼrifat bilan kurashish.
Ushbu guruhlarga Oʻzbekiston xalqaro islomshunoslik akademiyasi, Toshkent islom instituti, “Koʻkaldosh” oʻrta maxsus islom bilim yurti, Oʻzbekiston Milliy universitetining yetuk mutaxassislari jalb qilinadi. Guruh aʼzolari moddiy ragʻbatlantiriladi.
"Yurtimizda eʼtiqod erkinligi Konstitutsiya bilan mustahkamlangan va diniy bagʻrikenglik siyosati davom ettiriladi. Lekin bugun turli radikal va ekstremistik gʻoyalar axborot texnologiyalari orqali yoshlarimiz ongini zaharlashga urinyapti. Faqat jazo va taqiq bilan bu muammoni hal qilib boʻlmaydi", deyiladi prezident oʻtkazgan yigʻilishda.
