Toshkent shahar hokimiga korrupsiya boʻyicha oʻrinbosar tayinlandi
U avval Bosh prokuraturada boshqarma boshligʻi oʻrinbosari boʻlib ishlagan.
Mirhamidov Mirmuhammad Mirshohidovich Toshkent shahar hokimining komplayens va korrupsiyaga qarshi ichki nazorat boʻyicha oʻrinbosari etib tayinlandi.
M.Mirhamidov 1982 yil Toshkent shahrida tugʻilgan. Maʼlumoti oliy, mutaxassisligi huquqshunos. Oʻzbekiston milliy universiteti hamda Toshkent davlat yuridik institutini tamomlagan. Adliya katta maslahatchisi hisoblanadi.
U 2006 yildan boshlab prokuratura tizimi organlarida turli lavozimlarda faoliyat yuritgan.
2023 yildan bugungi kungacha Bosh prokuratura sud hujjatlari va boshqa organlar hujjatlarini ijro etishda qonuniylik ijrosi ustidan nazorat boshqarmasi boshligʻi oʻrinbosari lavozimida ishlab kelgan.