Bolgariya prezidenti isteʼfoga chiqdi
Rumen Radev mamlakatni 2017 yildan buyon boshqarib kelayotgandi. Uning oʻrnida vitse-prezident mamlakatga rahbarlik qiladi.
Bolgariya prezidenti Rumen Radev 19 yanvar, dushanba kuni davlat rahbari lavozimidan isteʼfoga chiqishini eʼlon qildi. Bu haqda Bolgariya davlat axborot agentligi xabar berdi.
Televideniyedagi murojaatida Radev bu uning "prezident sifatidagi soʻnggi murojaati" ekanligini va seshanba kuni rasman isteʼfoga chiqishini aytdi.
Vitse-prezident Iliana Yotova esa vakolat muddati tugaguniga qadar xizmat qilishi kutilmoqda.
Radev Bolgariya Shengen hududi va Yevrozonasiga qoʻshilish orqali Yevropa integratsiyasini yakunlaganini aytdi, ammo nima uchun bu muhim oʻzgarishlar katta barqarorlik va qoniqish hissini keltirmagani boʻyicha savol qoʻygan.
Prezident shuningdek, oʻtgan yil oxirida hukumatning agʻdarilishiga olib kelgan norozilik namoyishlari toʻlqiniga ishora qilib, namoyishlar siyosatdagi mafiyaga oʻxshash tuzilmalarga qarshi keng jamoatchilik konsensusini yaratganini taʼkidladi.
"Bu konsensus yaqinlashib kelayotgan parlament saylovlarida aniq harakatlarga aylanishi kerak. Biz vatanimiz kelajagi uchun kurashga duch kelmoqdamiz va ishonamanki, biz buni barchangiz bilan birgalikda, munosib, ilhomlangan va taslim boʻlmagan holda amalga oshiramiz. Biz tayyormiz. Biz buni uddalay olamiz. Va biz muvaffaqiyatga erishamiz", dedi u.
Rumen Radev mamlakatni 2017 yildan buyon boshqarib kelayotgandi.