E-qaror tizimida hujjat yashirishni Aksilkorrupsiya agentligi tekshiradi
Soʻnggi paytlarda mazkur portalda hujjatlarni asossiz yashirib qoʻyish holatlari koʻpayib ketdi.
2025 yil 30 dekabrda imzolangan prezident farmoniga koʻra, endi E-qaror tizimida qabul qilinadigan hujjatlarni eʼlon qilishda ochiqlikka oid qonunchilikka rioya etilishini nazorat qilish va ochiqlikni taʼminlash boʻyicha taʼsirchan choralarni qoʻllash Aksilkorrupsiya agentligiga topshirildi.
Respublika va mahalliy ijroiya hokimiyati organlari tomonidan qabul qilingan hujjatlarni E-qaror elektron tizimida asossiz ravishda eʼlon qilmaslik, davlat hokimiyati va boshqaruv organlari faoliyatining ochiqligi toʻgʻrisidagi qonunchilikni buzish deb hisoblanadi hamda tegishli javobgarlikka tortishga asos boʻladi.
Shuningdek, agentlikka mahalliy ijro etuvchi hokimiyat organlarining qarorlarini ishlab chiqish, kelishish va roʻyxatdan oʻtkazishning yagona elektron — E-qaror tizimida qabul qilinadigan hujjatlar bilan toʻsiqsiz tanishish va monitoring olib borish imkoniyati beriladi.