Samarqand tumani tugatiladi
Qaror Samarqand shahrini “millionli shahar”ga aylantirish maqsadida qabul qilingan.
Samarqand tumani tugatiladi— shahar “millionli” maqomga yaqinlashmoqda.
Oliy Majlis Qonunchilik palatasidagi Tadbirkorlar va ishbilarmonlar harakati — Oʻzbekiston Liberal-demokratik partiyasi fraksiyasi yigʻilishida "Samarqand viloyatining Samarqand tumanini tugatish, Oqdaryo, Pastdargʻom, Toyloq tumanlari va Samarqand shahri chegaralarini oʻzgartirish toʻgʻrisida"gi Qonunchilik palatasi qarori deputatlar tomonidan qoʻllab-quvvatlandi.
Parlament quyi palatasida muhokama etilayotgan qaror loyihasiga koʻra, Samarqand tumani alohida maʼmuriy-hududiy birlik sifatida tugatiladi.
Qaror Samarqand shahrini “millionli shahar”ga aylantirish maqsadida qabul qilinmoqda. Shu munosabat bilan shahar chegaralari qayta koʻrib chiqiladi.
Natijada Samarqand shahri hududi 11,8 ming gektardan 28,9 ming gektargacha kengayadi. Aholi soni va shahar infratuzilmasi keskin oshishi kutilmoqda.