"Barselona" gollarga boy oʻtgan el-klassikoda gʻalaba qozondi
Jidda shahrida Ispaniya Superkubogi finali boʻlib oʻtdi.
"Barselona" gollarga boy oʻtgan el-klassikoda Ispaniya superkubogini qoʻlga kiritdi.
Jidda shahrida Ispaniya Superkubogi finali doirasidagi "Barselona" — "Real" oʻyini boʻlib oʻtdi.
Dastlab Rafinya 36-daqiqada gol urib, hisobni ochdi. Vinisius Junior bunga 45+2 daqiqadagi ajoyib goli bilan javob qaytardi. Ammo, ikki daqiqa oʻtar oʻtmas, aniqrogʻi 45+4 daqiqada Robert Levandovski kataloniyaliklarni hisobda oldinga olib chiqdi.
“Barsa” tanaffusga gʻalaba bilan chiqib ketishga yaqin edi, ammo Gonsalo Garsiya 45+7 daqiqada hisobni tenglashtirdi. Oʻyindagi hal qiluvchi golni 73-daqiqada Rafinya Kurtua qoʻriqlayotgan darvozaga kiritdi. Qayd etish kerakki, 90+1 daqiqada Frenki de Yong maydondan chetlatildi.
Yakunda “Barselona” “Real”ni magʻlub etib, Ispaniya Superkubogini qoʻlga kiritdi.