Oʻzbekiston yoshlari eronliklar bilan murosa yoʻlini tanladi
Futbol boʻyicha Osiyo kubogining 2-tur oʻyini boʻlib oʻtdi.
Saudiya Arabistonida oʻtayotgan Osiyo kubogi 2-tur oʻyinida Oʻzbekiston yoshlar terma jamoasi Eron termasi bilan durang qayd etdi.
Har ikkala jamoa ham maydonda bir-birini ayab harakat qildi, deyish mumkin. Ammo gʻalaba koʻproq eronliklarga zarurroq edi.
Shu sababdan ikkinchi boʻlimda ular hujumlarni zoʻr berdi. Biroq yakunda hisob ochilmadi.
Guruhning ikkinchi oʻyinida Janubiy Koreya termasi Livan ustidan 4:2 hisobida gʻalaba qozonib, guruhda birinchi oʻringa chiqib oldi.
3-tur oʻyinlari 13 yanvar kuni boʻlib oʻtadi. Unda Oʻzbekiston va Janubiy Koreya jamoalari maydonga tushadi.
Osiyo kubogi, S guruhi, 2-tur
Eron - Oʻzbekiston 0:0
Livan - Janubiy Koreya 2:4.
