Qora shokolad qarishni sekinlashtiradigan birikmaga boy ekani aniqlandi
Ushbu modda teobromin boʻlib, u kakao daraxtida koʻp miqdorda uchraydigan alkaloiddir.
Yangi tadqiqotga koʻra, qora shokolad biologik qarishni sekinlashtiradigan birikmaga boy ekani aniqlandi.
Ushbu birikma teobromin boʻlib, u kakao daraxtining loviyalarida sezilarli koʻp miqdorda uchraydigan alkaloiddir.
London Qirollik kolleji olimlari boshchiligidagi tadqiqotchilar guruhi qonida teobromin miqdori yuqori boʻlgan odamlarda biologik qarishning sekinroq kuzatilishini aniqladilar. Bu belgilar DNK metilatsiyasiga asoslangan ikkita asosiy biomarker - yoshga qarab oʻzgarib turadigan kimyoviy markerlar yordamida oʻlchandi.
Olimlar 1669 kishidan qon namunalarini tahlil qilib, kofein va teobromin kabi birikmalarning parchalanish mahsulotlari konsentratsiyasini baholadilar. Teobromin va yoshroq biologik profil oʻrtasidagi bogʻliqlik statistik jihatdan ahamiyatli edi.
Tadqiqotchilar kakao va qahvalarda topilgan boshqa kimyoviy moddalarni ham sinab koʻrishdi, ammo faqat teobromin qarish bilan bogʻliqlikni koʻrsatdi. Biroq, tadqiqot mualliflari qora shokoladni, ayniqsa shirin shokoladni koʻproq isteʼmol qilishni qoʻllab-quvvatlamasliklarini taʼkidlaydilar, chunki uning kamchiliklar tomonlari ham bor.
Ularning taʼkidlashicha, teobromin muvozanatli ovqatlanishning bir qismi sifatida ishlatilganda eng samarali boʻlishi mumkin. Ushbu ish bizga kundalik ovqatlar sogʻlom va uzoq umr koʻrishning kalitlarini qanday saqlashi mumkinligini tushunishga yordam beradi.
Olimlar ushbu foydali xususiyat faqat tarkibida kakao miqdori yuqori (kamida 70% va undan koʻp) boʻlgan qora shokoladga tegishli ekanligini taʼkidlashadi. Sutli yoki shakari koʻp boʻlgan shokoladlarda bunday shifobaxsh taʼsir kuzatilmaydi.