Oʻzbekiston yoshlari gʻalaba bilan boshladi
Ayni paytda terma jamoamiz S guruhida peshqadamga aylanib oldi.
Saudiya Arabistoni maydonlarida boshlangan yoshlar oʻrtasidagi Osiyo chempionatida Oʻzbekiston S guruhidagi birinchi oʻyinida Livan termasini magʻlub etdi.
Birinchi boʻlimda jamoalar bir-birini oʻrganishgan boʻlsa, ikkinchi taymda gollar yomgʻiri yogʻildi. Yakuniy hisob 3:2 koʻrinishini oldi.
Guruhning boshqa oʻyinida Janubiy Koreya va Eron terma jamoalari 0:0 hisobida durang oʻynadi. Ayni paytda Oʻzbekiston yoshlari 3 ochko bilan guruhda peshqadamlik qilmoqda.
Ikkinchi tur oʻyinlari 10 yanvar kuni boshlanadi, Oʻzbekiston Eronga qarshi maydonga tushadi.
Osiyo kubogi, guruh bosqichi, 1-tur
Oʻzbekiston - Livan 3:2
Gollar: Saidov 24, Xayrullayev 50, Bahromov 57 - Shahin 65, 90+5