"Manchester Yunayted" bosh murabbiy Ruben Amorimni ishdan boʻshatdi
"Qizil iblislar"ning sobiq yarim himoyachisi Darren Fletcher asosiy jamoani boshqarib turadi.
"Manchester Yunayted" bosh murabbiy Ruben Amorimni ishdan boʻshatdi. U klubda 14 oy faoliyat yuritdi.
Oʻtgan kuni "Lids"ga qarshi 1:1 hisobidagi durangdan soʻng, Amorim "Yunayted" boshqaruvi bilan kelishmovchiliklarga ishora qildi va oʻzini bosh murabbiy emas, balki menejer deb bilishini aytdi.
Klubning munosabati dushanba kuni ertalab paydo boʻldi. 2027 yil yoziga qadar shartnomasi va 12 oylik shartnomani uzaytirish imkoniyati mavjud boʻlgan Amorim darhol oʻz vazifasidan ozod qilindi.
"Klub boshqaruvi ikkilanib oʻzgarish vaqti kelganiga qaror qildi. Bu jamoaga Premer-ligada iloji boricha yuqori oʻrinlarni egallash uchun eng yaxshi imkoniyatni beradi", deyiladi "Yunayted" bayonotida.
"Yunayted" Amorimning oʻrnini bosuvchi murabbiy qidirayotgan bir paytda, "Qizil iblislar"ning sobiq yarim himoyachisi va hozirgi U18 jamoasi murabbiyi Darren Fletcher asosiy jamoani boshqaradi.
U chorshanba kuni "Byornli"ga qarshi oʻyinda debyut qilishi rejalashtirilgan.
"Yunayted" direktorlar kengashi Amorimning taktik moslashuvchanligi yoʻqligidan norozi boʻldi, chunki u oʻjarlik bilan 3-4-3 sxemasiga tayanishda davom etgandi.