OAV: Venesueladagi operatsiya sabab kamida 40 kishi halok boʻldi
Hujum paytida havo mudofaasini bostirish uchun 150 ta AQSh samolyoti ishlatilgan, bu esa vertolyotlarga hukumat muassasalariga qoʻshinlarni yetkazib berishga imkon bergan.
Venesueladagi AQSh harbiy operatsiyasi natijasida kamida 40 kishi halok boʻldi.
Bu haqda The New York Times gazetasi yuqori lavozimli Venesuela rasmiysiga asoslanib xabar berdi. NYT maʼlumotlariga koʻra, Markaziy razvedka boshqarmasi prezident Nikolas Maduroni qoʻlga olish operatsiyasida ishtirok etgan.
Gazetaning xabar berishicha, hujum paytida havo mudofaasini bostirish uchun 150 ta AQSh samolyoti ishlatilgan, bu esa vertolyotlarga hukumat muassasalariga qoʻshinlarni yetkazib berishga imkon bergan.
Bir necha soat oʻtgach, AQSh prezidenti Donald Tramp AQSh "hokimiyat xavfsiz oʻtkazilgunga qadar" "mamlakatni boshqarishini" eʼlon qildi.
Nikolas Maduro va uning rafiqasi hozirda Nyu-Yorkda, ular sud qilinishi kutilmoqda.
Venesuela prezidenti narkotik moddalar, qurol-yarogʻ savdosi va boshqa jinoyatlarga ayblandi.
